«УMOЎNO»

Творчы тэатральны праект "ГрыМ"

Аб спектаклі

«Лаўка» Творчы тэатральны праект «ГриМ», г.Наваполацк

Меладрама

Па п’есе А. Гельмана «Лаўка»

Рэжысёры: Сяргей Грыбаедаў, Вікторыя Матвейчук
Ён…Яна… Лаўка ў парку…
Здаецца, што экстраардынарнага можа адбыцца пры такіх даволі мізэрных зыходных дадзеных: сустрэліся-разышліся ці сустрэліся-пайшлі разам… Але ў Гельмана на гэтай лаве разгарнецца сапраўдная драма, часам камедыя, а ў выніку нават трагедыя душ. Бывае, што за палову гадзіны можна перажыць эмоцыі, што зменяць тваё жыццё назаўжды.
Мы не будзем расказваць сюжэт спектакля. Няхай ён будзе як частка вашага жыцця – цікавы і непрадказальны. Адносіны мужчыны і жанчыны – гэта заўжды драматургія: са сваёй завязкай, кульмінацыяй і развязкай…

Працягласць: 1 гадзіна 20 хвілін

Народны тэатр гістарычнага касцюма «Полацкі зьвяз»

Аб спектаклі

«Радзівiл» Пластычны спектакль

Народны тэатр гістарычнага касцюма «Полацкі зьвяз»

Пастаноўка: Яўгенія Кавалёва

Працягласць: 80 хвілін

Цікава, як з дакладных фактаў нараджаюцца часам супрацьлеглыя высновы і меркаванні… Барбара Радзівіл не была знакамітым асветнікам, меценатам, палітыкам. Хто можа сказаць, аб чым яна марыла, каго кахала, ці была шчасліва? Ідзе час, змяняюцца пакаленні… Адно застаецца нязменным: заўсёды побач гераізм і здрада, прага ўлады і бескарыслівае служэнне, нізасць і чысціня памкненняў. І кожны сам абірае свой лёс.

Тэатр «МонаЛік»

Аб спектаклі

Монаспектакль па п’есе Міхаіла Хейфеца «Выратаваць Камер-юнкера Пушкіна»

Монаспектакль па п’есе Міхаіла Хейфеца «Выратаваць Камер-юнкера Пушкіна»
Трагікамедыя
Рэжысёр: Сяргей Іваноў

Пра тое, як звычайны пецярбургскі абывацель з Петраградскага боку Міхаіл Пітунін шукае сэнсы жыцця і шчыра лічыць, што ва ўсіх яго няшчасцях вінаваты… Аляксандр Сяргеевіч Пушкін!!! Да, да той самы вялікі паэт і наша ўсё Пушкін пераследуе яго з самага маленства – з дзіцячага садка, потым у школе, у войску, нават на спадканнях з дзяўчатамі... Але нешта мяняецца ў Міхаіле і вось… Ён ужо не жадае ад яго пазбавіцца, а марыць выратаваць яго ад кулі Д’Антэса...

Акцёр: Сяргей Іваноў
Працяглаць: 1 гадзіна 25 хвілін
14+

У 2021 годзе спектакль атрымаў дыплом першай ступені ў катэгорыі «Лепшы спектакль, арыгінальны жанр» на Міжнародным тэатральным фістывалі «Театър-фест», г.Бургас Балгарыя;
У 2022 годзе – удзельнік Усерасійскага Фестывалю вулічных тэатраў, г.Суздаль;
У 2022 годзе – спецыяльны госць Міжнароднага фестывалю фотаздымка «ФотоКрок», Беларусь, г.Віцебск.

Народны маладзёжны тэатр-студыя «Дети понедельника»

Аб спектаклі

Народны маладзёжны тэатр-студыя «Дети понедельника» (г.Сартавала)

«Дзень касманаўтыкі»

Рэжысёр: Артур Валер’евіч Ладысеў

Гэта сумная і светлая прытча пра жаночую долю, лёс і магчымасць выбару. Гераіні спектакля ператвараюцца ў трох Папялушак, што знаходзяць сваіх трох найлепшых прынцаў. Няхай на кароткі час, але кожная з гераінь становіцца каханай. Вось ён, сапраўдны цуд! І кожная глядачка адчувае, як гэта, калі мары здзяйсняюцца. А кожны глядач адчуе сябе мужчынам мары!

Спектакль створаны пры падтрымцы Саюза тэатральных дзеячаў Расіі.

Заслужаны аматарскі калектыў Рэспублікі Беларусь драматычны тэатр «Відарыс», г.Барысаў

Аб спектаклі

«У галоўнай ролі – Этэль П. Сэвідж» Заслужаны аматарскі калектыў Рэспублікі Беларусь драматычны тэатр «Відарыс», г.Барысаў

камедыя
Рэжысёр: Ігар Куніцкі
Музыка: Віталь Прыбыльскі

Свет, што страціў розум ад ганарлівасці і самалюбства, лічыць шчырасць і высакародства дзівацтвам, а дапамогу іншым – вар’яцтвам. У ролі такой «дзівачкі» аказваецца Этэль Сэвідж. І насуперак усім спробам прыніжэння і адчужэння з боку прыёмных дзяцей яна адстойвае сваё права на чалавечнасць.
Эпізод за эпізодам у гэтай камедыі гераіня вядзе сваю гульню і, нарэшце, даводзць усё да трыўмфу справядлівасці.
14+

Ролі выконваюць:
Этэль Сэвідж – Зоя Міхалькевіч
Лілі-Бэл – Святлана Шубіч
Сэмуэл – Аляксей Дзямідчык
Ціт –Аляксандр Маневіч
Доктар Эмет – Андрэй Гімбут
Міс Вільгельміна (Вілі) – Яўгенія Палонская
Флорэнс Уільямс – Алена Падданкова
Фэры Мэй – Дзіяна Добіна
Джэффры (Джэфф) Мэрэдзіт – Віталь Прыбыльскі
Ганібал – Віталь Песляк
Міссіс Пэддзі – Тамара Гаеўская

Лялечна-драматычная студыя «Галактыка»

Аб спектаклі

Лялечна-драматычная студыя «Галактыка»

Дзіўнае падарожжа кроліка Эдварда

драма
сінтэз драматычнага, пластычнага і тэатра лялек

Па прытчы-казцы Кейт ДзіКаміло «Дзіўнае падарожжа кроліка Эдварда»

Режысёр: Аляксандр Абрамовіч
Для маленькай дзяўчынкі, якую завуць Абелін Цюлейн, з французскай арыстакратычнай сям’і была зроблена лялька кроліка Эдварда.
Яе вельмі палюбілі і хутка Эдвард стаў нібыта членам сям’і, стаў пераймаць усе, не самыя лепшыя, арыстакратычныя звычкі. Ён стаў эгаістычным і жорсткім.
Сітуацыя змяняецца, калі сям’я адпраўляецца ў Англію на караблі і калі хлопцы скідваюць яго ў мора.
Вось тут і пачынаецца другое жыццё кроліка. Лёс спрыяе яму, і ён вырываецца з марскога палону. Спачатку Эдвард трапляе і ў сям’ю рыбака, потым да брадзяг на сметніку… Яны становяцца яго і сябрамі, і анёламі-ахоўнікамі… а галоўнае, дзякуючы ім, у яго з’яўляецца Сэрца.
Спектакль пра тое, з якім болем і шчасцем у чалавека з’яўляецца сэрца, адкрываецца любоў да людзей.

Працягласць: 1 гадзіна 10 хвілін

Тэатральная кампанія «МюзікЛэнд», г.Мінск

Аб спектаклі

Тэатральная кампанія «МюзікЛэнд», г.Мінск

«Дзінь-дон, я ваша МАМА!»

мюзікл-казка для дзяцей і дарослых

Рэжысёр: Дар’я Мядзель

Аўтар: лібрэта Юрый Энціна,
Кампазітары: Жэрар Буржоа, Цемістокле Попа
Харэограф-пастаноўшчык: Вольга Вялічка
Мастак-пастаноўшчык: Андрэй Жыгур
Музычны кіраўнік: Таццяна Трухан
Аранжыроўка: Віктар Дзяменцьеў

Мюзікл створаны па матывах знакамітай кінаказкі «МАМА» з Людмілай Гурчанка і Міхаілам Баярскім у галоўных ролях. У 1976 годзе гісторыя пра Ваўка, што падманам выкраў у Казы яе дзяцей, з’явілася на экране, а песні з гэтай кінастужкі сталі сапраўднымі хітамі на ўсе часы. Рэфрэн «Мама – первое слово, главное слово в каждой судьбе» і сёння гучыць з тэлеэкранаў, вялікіх сцэн і нават на ўроках музыкі…
Разам з дарослымі акцёрамі заспяваюць і сыграюць гэту гісторыю таленавітыя дзеці: юным артыстам, якія занятыя ў спектаклі, ад 6 да 16 год. Таму маленькія гледачы ўбачаць на сцэне сваіх аднагодкаў, трапяць у свет герояў, блізкіх сабе па духу.
«Дзінь-дон, я ваша МАМА!» – гэта чуллівая музычная казка пра сям’ю і любоў матулі, гісторыя на ўсе часы, у якой і маленькі, і дарослы глядач абавязкова знойдзе штосьці мілагучнае свайму сэрцу.
Працягласць: 55 хвілін

Сямейны інклюзіў-тэатр «i», г.Мінск

Аб спектаклі

Сямейны інклюзіў-тэатр «i», г.Мінск

«Гульня ў радасць» Па матывах рамана Э.Портэр «Паліанна»

Рэжысёр: Ганна Казлова

10 год назад з’явіўся раман Элінор Портэр «Паліанна» пра дзяўчынку-сірату, якая «гуляе ў радасць» і імкнецца знаходзіць добрае ва ўсім, што з ёй здараецца.
У мінскім Тэатры юнага гледача ў цудоўным перакладзе Артура Вольскага рэжысёрам Андрэем Андросікам ў 2003 годзе быў прыдуманы спектакль. Рэжысёрам-пастаноўшчыкам гэтай знакамітай пастаноўкі быў Ігар Сідорчык. Спектакль ішоў з 2003 па 2009 і з 2015 па 2018 гады. На ім выхавана некалікі пакаленняў мінчан.
Першую Паліанну ў 2003 годзе сыграла, тады дванаццацігадовая, Маша Возба, апошнюю ў 2018 годзе – Злата Залеская, якой зараз васямнаццаць.
І вось гэтыя дзве Паліанны, што навучыліся гуляць у радасць, у наш складаны час апынуліся ў тэатры «i», дзе на сцэне разам з прафесійнымі акцёрамі гуляюць акцёры-дзеці.
Усё гэта адбываецца ў спектаклі «Гульня ў радасць» па п’есе Алёны Іванюшэнка з ўдзелам Златы Залескай і Ганны Джамілашвілі.

Узорная тэатр-студыя "Паралель"

Аб спектаклі

Узорная тэатр-студыя "Паралель" "Той самы Мюнхаузен"

Як часта рэчаіснасць ставіць нас перад няпростым выбарам. Баяцца жыцця ці радавацца кожнаму яго імгненню? Загразнуць у балоце руціны ці мець мужнасць выцягнуць сябе з яго за валасы?
Барон Мюнхгаўзен свой выбар зрабіў!
Ён размалёўвае жыццё ў яркія фарбы сваёй нястрымнай фантазіі, сціраючы грань паміж рэальнасцю і выдумкай. Ён не баіцца здавацца смешным і можа сабе гэта дазволіць, бо "разумны, сур'ёзны твар — гэта яшчэ не прыкмета розуму, усе глупствы на зямлі здзяйсняюцца менавіта з гэтым выразам твару".
Але ці гатовы навакольныя прымаць такога чалавека?
Спектакль рэкамендуецца падлеткам ад 14 гадоў і старэйшым, а таксама ўсім дарослым, незалежна ад узросту. Выдатная нагода правесці разам з сям'ёй нядзельны дзень.

Трагікамедыя.
Рэжысёр: Ларыса Сартакова
Харэограф: Вольга Скамарох.
Працягласць: 1 гадзіна 45 хвілін.

Маладзёжны тэатр «Кола»

Аб спектаклі

«Час Тарцюфа»
Народны маладзежны тэатр «Кола», г.Віцебск
Рэжысёр: Уладзіслава Цвікі
Камедыя па матывах п’есы Жана-Баціста Мальера «Тарцюф, або Ашуканец»
Адзін з самых яскравых і значных твораў Мальера, які перакладзены на пяцьдзясят моваў,
яго вывучаюць у школе, ставяць у тэатрах па ўсім свеце. У наш час існуе больш за
трынаццаць яго экранізацый.
Паспрабуйце і вы знайсці адказ на пытанне: чаму гэта п’еса актуальна больш за чатырыста
год. Таямніцы дома Аргона будуць раскрыты, а Тарцюфа ўбачыце ва ўсёй велічы
крывадушнасці, ханжаства і подласці.
Спадзяемся, што вы ўзялі з сабой пачуццё гумару, бо падстава пасмяяцца будзе.

Зорына Ала Валянцінаўна

Пра эксперта

Ала Валянцінаўна Зорына (г. Масква, Расійская Федэрацыя) - заслужаны работнік культуры Расійскай Федэрацыі, рэжысёр, загадчыца Кабінетам аматарскіх тэатраў Саюза тэатральных дзеячаў Расійскай Федэрацыі, генеральны сакратар Расійскага цэнтра Міжнароднай Асацыяцыі аматарскіх тэатраў (AITA/IATA)

Салееў Вадзім Аляксеевіч

Пра эксперта

Вадзім Аляксеевіч Сале́еў - філосаф, культуролаг, мастацкі крытык, доктар філасофскіх навук (1992), прафесар (1994), Заслужаны дзеяч культуры Рэспублікі Беларусь (2000).

Сакаеў Іскандэр Рауфавіч

Пра эксперта

Сакаеў Іскандэр Рауфовіч (Расійская Федэрацыя) - мастацкі кіраўнік і рэжысёр СПб ГБУК Дзяржаўны камерны драматычны тэатр "Левендаль" г. Санкт-Пецярбург.

Катавіцкі Віталь Уладзіміравіч

Пра эксперта

Віталь Уладзіміравіч Катавіцкі - педагог па рэжысуры, акцёрскім майстэрстве, пластыцы і сцэнічным руху, рэжысёр, акцёр, празаік, паэт, мастак, загадчык кафедры рэжысуры БДАМ.

Краснадубская Наталля Ігнацьеўна

Пра эксперта

Краснадубская Наталля Ігнацьеўна - дацэнт кафедры сцэнічнай мовы, вакалу і пластычных дысцыплін Беларускай дзяржаўнай акадэміі мастацтваў.

Бачыла Яўгенія Аляксандраўна

Пра эксперта

Яўгенія Аляксандраўна Бачыла – рэдактар Цэнтра беларускай драматургіі, студэнтка 4 курса Беларускай дзяржаўнай акадэміі мастацтваў. Тэатральны крытык, драматург. Яe цікавіць тэатр прадмета, сімвала, акцэнтуе ўвагу на ўзаемазалежнасці формы і зместу.